Ogie Diaz napabungisngis sa performance ni Toni Gonzaga sa ALL TV

Nagbigay na ng kanyang prangkang reaksyon ang komedyanteng si Ogie Diaz sa production number ni Toni Gonzaga sa All TV. 

Sa kanyang post sa facebook, ay tahasang sinabi ni Ogie na napabungisngis raw siya habang pinanood ang nasabing prod ni Toni. 

"Nangiti lang ako nu'ng una, eh. Hanggang sa mapabungisngis na ako kalaunan habang pinanonood ang prod ng aking kumareng Toni. Ganitong-ganito 'yung mga napapanood ko sa GMA Supershow ni Kuya Germs nu'ng araw."

Ayon pa kay Ogie kahit si Toni raw ay hindi magustuhan ang kanyang performance pag napanood niya ito.

"Pero sana, mag-invest nang bongga sa sound system o sa recording. Baka kahit si Toni kung panonoorin uli ito, hindi niya ipagmamalaki yung performance niya, eh. Lalo na yung audio niya."

Dagdag pa ni Ogie: "Di bale, nag-uumpisa pa lang naman. Pasasaan ba't maaayos din ito. Na-bother lang talaga ako nang slight. Kasi, sa mga singers, big deal talaga sa kanila ang audio at sound system, eh. Baka gusto lang talagang mag-perform ni Toni at magbigay-saya."