May matinding banat si Lolit Solis sa kapapanganak lang na singer na si Angeline Quinto.
Ayon kay Lolit parang KSP raw ang dating sa mga post ni Angeline.
"Ewan ko...pero parang KSP o kulang sa pansin ang dating sa akin ng mga gimmick ni Angeline Quinto. Hindi mo alam kung ano ba ang gusto niya maging reaction ng tao sa mga posting niya ng pre at after delivery moments niya."
Ayon pa kay Lolit, tila hindi na raw interesado ang mga tao sa buhay ng singer.
“Parang hindi naman ganuon ka excited ang tao sa mga nangyayari sa buhay niya, kaya hindi mo feel kung ano ba ang purpose na lagi niya inilalagay sa social media iyon mga kaganapan sa buhay niya. Baka naman hindi ko lang napupuna, pero parang 'so what ' naman ang dating ng mga nakakapanuod ng mga posting niya," paliwanag niya.
Tinawag pang cheap ni Lolit si Angeline.
“Pag sobra kasing trying hard, mukhang cheap di ba? Kasi kung talagang newsmaker ka ikaw ang hahabulin ng news, hindi ikaw ang nagbibigay nito. Kahit iyon mga pictorial niya ba buntis siya, parang so, so lang ang dating, hindi pinag usapan. Kung ako si Angeline Quinto, hintayin mo na ikaw ang lapitan para sa news, hindi iyon gumagawa ka ng news. Very cheap ang dating di bah! Hindi bongga,” aniya pa.
No comments:
Post a Comment